ငါ့ရဲ့ အခ်စ္ဆုိတဲ့ ခံစားခ်က္ေတြက
နင့္အတြက္ ကဗ်ာေတြ
အင္ဂ်င္စက္နဲ႔ လွည့္ထုတ္သလုိမ်ဳိး
တစ္ထပ္ၾကီး ထုတ္ျပလုိက္တယ္ .။
နင္ေျပာခဲ့တဲ့
အဲဒီ စကားလုံးဆုိတာေတြက
ငါ့ရင္ဘတ္တည့္တည့္
၀င္ေဆာင့္ရေလာက္ေအာင္ စူးရွခဲ့ရတာ…
နင္မသိခဲ့ပါဘူး .။
တကယ္ေတာ့ မိန္းကေလးရယ္..
အိပ္မရျခင္းဆုိတဲ့ အိပ္မေပ်ာ္တဲ့ေရာဂါကုိ
ျဖန္႔ေ၀ေနသူက နင္မွနင္အစစ္ပါ ။
ကဗ်ာေတြေတာင္လုိပုံသြားခဲ့ရတာလည္း
သူမေၾကာင့္လုိ႔ အျပစ္မတင္လုိေတာ့ပါ ။
မိန္းကေလးငယ္ တစ္ေယာက္က
ကဗ်ာကုိ ဖတ္ရုံသာတတ္ခဲ့တယ္ဆုိတာ
ဒီေန႔မွသိခဲ့သူ
ကၽြန္ေတာ္သာ… ။
ေႏွာင္းအိမ္
No comments:
Post a Comment